Haqqımızda

Biz kimik

Azərbaycanın müasir innovasiya məkanına çevrilməsi, rəqəmsallaşma və yüksək texnologiyalar sahəsində idarəetmənin təkmilləşdirilməsi, informasiya təhlükəsizliyinin inkişafı kibertəhlükəsizlik sahəsindəki fəaliyyətlərin genişlənməsini şərtləndirir.

Dövlət və özəl sektorda fəaliyyət göstərən ictimai əhəmiyyətli infrastrukturlarda ciddi təhlükəsizlik boşluqları və onların aradan qaldırılmasına imkan verəcək mütəxəssislərin azlığı nəzərə çarpır.

Bu problemlərin aradan qaldırılması, ölkədə kibertəhlükəsizlik mühitinin yaradılması və mərkəzləşmiş davamlı fəaliyyətlərin icrası məqsədilə, kibertəhlükəsizlik sahəsindəki ehtiyacları və beynəlxalq təcrübəni nəzərə alaraq Azərbaycan Kibertəhlükəsizlik Təşkilatları Assosiasiyasını yaratdıq.

22 fevral 2022-ci il tarixində təsis edilən Azərbaycan Kibertəhlükəsizlik Təşkilatları Assosiasiyası informasiya kommunikasiya texnologiyaları və kibertəhlükəsizlik sahəsində fəaliyyət göstərən mütəxəssislərin, şirkət və təşkilatların vahid platforması, gələcəyə təhlükəsiz baxışın təminatçısıdır.

AKTA olaraq kibertəhlükəsizlik sahəsində uyğun təşkilatları və şəxsləri Assosiasiyada “dəmir yumruq” kimi birləşdirib ölkəmizdə kibertəhlükəsizlik mühitini gücləndirməkdir.

Dəyərlərimiz

Nəticəyönümlü – Öz fəaliyyətində peşəkar formada hədəflərə yönəlmək, yalnız “işi görmək” deyil, “konkret nəticə” prinsipi ilə işləmək

Komanda işi – Müvafiq sahədə ixtisaslaşmış yerli və xarici şəxslər, təşkilatlarla əməkdaşlıq və tərəfdaşlıq etmək. Müəyyənləşdirilmiş səlahiyyətlər çərçivəsində vahid dəyər və məqsədlər üçün birgə əməkdaşlıq etmək

Davamlı Öyrənmə və Təkmilləşdirmə – Ölkədə kibercinayətkarlığın qarşısını almaqda dəstək olmaq, əməkdaşların, könüllülərin bilik və bacarıqlarını daim inkişaf etdirmələrini, özlərini təkmilləşdirmələrini təşviq etmək

Çevik və məsuliyyətli – Üzvlərimiz, tərəfdaşlarımız və müraciət edən hər kəsə çevik və həssas üsullarla yardım etmək, hər bir detala məsuliyyətlə yanaşmaq

Düzgünlük – Özünün və ya maraqlı şəxslərin mənafelərinin xidməti vəzifələrinin yerinə yetirilməsinə təsir etməsinə yol verməmək və qanunsuz müdaxilə cəhdlərinin qarşısını almaq. Öz vəzifə funksiyalarını yerinə yetirərkən və ya qərar qəbul edərkən düzgün olmaq

Şəffaflıq – İşin keyfiyyətinin artırılması, komanda ruhu və yüksək nəticələrin əldə edilməsi məqsədi ilə açıq ünsiyyəti təşviq etmək

Məqsədimiz

Azərbaycanda kibertəhlükəsizlik sahəsindəki mövcud problemlərin aradan qaldırılması, beynəlxalq təcrübəyə uyğun inkişaf strategiyasının müəyyən edilməsi və bu sahədə fəaliyyət göstərəcək milli kadr potensialının hazırlanması işi Assosiasiyanın öz prioritet məqsədlərini formalaşdırmasını şərtləndirir.

Assosiasiya əsas məqsədləri olaraq müəyyən edir:

Ölkədə kibertəhlükəsizlik ekosisteminin gücləndirilməsi
Kibertəhlükəsizliyin təmin və əlaqədar layihə və proqramların təşkili
Sahənin inkişafı ilə bağlı tədbirlər həyata keçirməsi
Milli, elmi-texniki və kadr potensialının gücləndirilməsi
Ölkədaxili, regional və beynəlxalq əməkdaşlığın genişləndirilməsi
İxtisaslaşmış yerli və xarici fiziki və hüquqi şəxslərin fəaliyyətinin əlaqələndirilməsi
Kiber-maarifləndirmə və kibertəhlükəsizlik mədəniyyətinin təşviqi
İnformasiya cəmiyyətinin inkişafına dəstək
Kibermühitdə ölkə reytinqini gücləndirilməsinə dəstək
Kiberfəzada ölkə maraqlarının qorunmasına dəstək

Hədəflərimiz

Assosiasiya müəyyən etdiyi məqsədlər çərçivəsində səmərəli və məhsuldar fəaliyyəti təmin etmək, aparılan işlərin keyfiyyət göstəricilərinin qiymətləndirilməsi və bu sahədə inklüziv inkişafı həyata keçirmək məqsədilə strateji hədəflərini müəyyən edir.

Azərbaycanda kibertəhlükəsizlik və İT sahəsində fəaliyyət göstərən şirkət və təşkilatlarının strateji inkişaf istiqamətlərini müəyyən etmək;
Kibertəhlükəsizlik üzrə təhsil proqramlarının hazırlanmasını və mütəxəssislərin yetişdirilməsini təmin etmək;
Azərbaycan İT və kiber təhlükəsizlik təşkilatlarının beynəlxalq sferada təmsilçiliyini həyata keçirən platformaya çevrilmək;

Etik davranış kodeksi

AKTA əməkdaşları və üzvlər öz fəaliyyətində korporativ dəyərləri və etik normalara əməl etməli, fəaliyyətində səmərəliliyi və şəffaflığı artırmalı və digər əməkdaşlara nümunə olmalıdır.

Əməkdaşlıq etdiyimiz bütün fərdlərə və icmalara hörmətlə yanaşırıq
Qərarlarımıza və onların nəticələrinə görə məsuliyyət daşıyırıq və bunu qarşı tərəfdən gözləyirik
Qanuni orqan tərəfindən açıqlama tələb olunmadığı təqdirdə, fəaliyyətlər zamanı əldə edilən məlumatların məxfiliyini qorumaq, bu cür məlumatları şəxsi mənfəət üçün istifadə etməmək və ya uyğun olmayan tərəflərə verməmək
Vəzifələrin icrası zamanı Assosiasiyanın və üzvlərinin adına xələl gətirə biləcək, habelə nüfuzunu aşağı sala biləcək hərəkətlərə yol verməmək
Birbaşa və yuxarı rəhbəri ilə və ya tabeliyində olan şəxslərə münasibətdə nəzakətli, xeyirxah, diqqətli və səbrli olmaq
Vəzifəsini yerinə yetirərkən və ya qərar qəbul edərkən qərəzsiz olmaq və bu zaman irqinə, milliyyətinə, dininə, dilinə, cinsinə, yaşına, sosial mənşəyinə, əmlak vəziyyətinə, əqidəsinə, ictimai və digər birliklərə mənsubiyyətinə görə hər hansı şəxsin və ya şəxslər qrupunun üstünlüyünə və ya belə üstünlüyün əldə edilməsi üçün şəraitin yaradılmasına yol verməmək
Münasibətlərdə faktiki və ya görünən maraq toqquşmalarını lazımi şəkildə idarə etmək, maraqların toqquşmasından qaçınmaq
Qeyri-kommersiya sahəsinin hesabatlılığını, şəffaflığını, etik davranışını və effektivliyini artırmaq
Assosiasiya üzvünün və əməkdaşların “Etik davranış kodeksi”nə uyğunluğu onun özü, birbaşa və ya yuxarı rəhbəri tərəfindən təhlil edilir.
Etik davranış qaydalarının pozulması Assosiasiya üzvünün və əməkdaşların intizam məsuliyyətinə cəlb edilməsi üçün əsasdır.

Rəhbərlik

İdarə Heyəti Assosiasiyanın Ümumi Yığıncağı tərəfindən 4(dörd) il müddətinə seçilən Assosiasiyanın İdarə Heyətinin sədri, Baş katib və digər üzvlərdən ibarətdir.