Assosiasiyanın əsas məqsədləri

Assosiasiyanın əsas məqsədlərini ölkədə kibertəhlükəsizlik ekosisteminin gücləndirilməsi, kibertəhlükəsizliyin təmin olunması sahəsində (bundan sonra – müvafiq sahə) həyata keçirilən tədbirlərin əlaqələndirilməsinə və müvafiq sahənin inkişafına dəstəyin verilməsi təşkil edir.

Assosiasiyanın fəaliyyət istiqamətləri

• kibertəhlükəsizliyin təmini ilə əlaqədar müvafiq layihə və proqramların hazırlanması və dəstəklənməsində iştirak etmək;
• müvafiq sahənin inkişafı ilə bağlı tədbirlər həyata keçirmək, təkliflərin işlənib hazırlanmasında və tədbirlərin həyata keçirilməsində iştirak etmək;
• müvafiq sahədə milli, elmi-texniki və kadr potensialının gücləndirilməsinə dəstək vermək;
• müvafiq sahədə ölkədaxili, regional və beynəlxalq əməkdaşlığın genişləndirilməsinə dəstək vermək;
• müvafiq sahədə ixtisaslaşmış yerli və xarici fiziki və hüquqi şəxslərin fəaliyyətinin əlaqələndirilməsini təmin etmək, onları könüllülük və qarşılıqlı razılıq prinsipləri əsasında birləşdirmək;
• müvafiq sahədə maarifləndirmə və məlumatlandırmanı həyata keçirmək və bu sahədə fəaliyyətin həyata keçirilməsində iştirak etmək, ölkədə kibertəhlükəsizlik mədəniyyətinin inkişafına dəstək vermək;
• informasiya cəmiyyətinin inkişafına dəstək vermək.