Türkiyə Rəqəmsal Dönüşüm Ofisinin Kibertəhlükəsizlik İdarəsinin rəisi Salih Talay “II Milli Kibertəhlükəsizlik Forumu"nda "Bizim kibercinayətlərlə apardığımız mübarizə ancaq onların törədilmə səviyyəsinə uyğun texnologiyaya sahib olduqda effektiv sayıla bilər. Bu çərçivədə Türk Dövlətləri Təşkilatına üzv ölkələrin bu sahədə ortaq inkişafı üçün əməkdaşlıq üzrə təşkilatlanmasını arzu edirik” sözlərini bildirdi.
“Müasir dövrdə kiber mövhumlar həyatımıza sürətlə sirayət etməkdədir. Bu əsasda hər birimizin həyatı kiber məkana inteqrasiya olunur. Bununla belə, kibercinayət, kibercasusluq, kiberterrorçuluq kimi yeni çağırışları ehtiva edən əməllər həm kiber, həm də fiziki məkan üçün təhdid yaratmaqdadır. Son 10 ildə kibercinayətlərin artımı tendensiyasına nəzər saldıqda görürük ki, kiberfəza bu əməlləri törədənlər üçün olduqca əlverişli mühit rolunu oynayır. Əvvəlki dövrlərlə müqayisə etsək, indi bu sferada törədilən əməllərin dövlətlər səviyyəsinə çatdığını, daha mürəkkəb, dağıdıcı, ictimai təhlükəsizliyi böyük ölçüdə təhdid edən bir hala gəldiyini müşahidə etmək olar. Şübhəsizdir ki, dünyanın heç bir yerində yüz faizlik təhlükəsizlikdən danışa bilmərik, ancaq kibertəhlükəsizlikdə yetərli səviyyəyə çatmaq üçün ən önəmli faktorlar kimi insan resursları, texnologiya, təşkilat strukturu, hüquqi tənzimləmələr, milli və beynəlxalq əməkdaşlıq çərçivəsində atılan addımlar kiberhücumlardan müdafiə olunmağımıza kömək edə bilər. Bizim kibercinayətlərlə apardığımız mübarizə ancaq onların törədilmə səviyyəsinə uyğun texnologiyaya sahib olduqda effektiv sayıla bilər. Bu çərçivədə Türk Dövlətləri Təşkilatına üzv ölkələrin bu sahədə ortaq inkişafı üçün əməkdaşlıq üzrə təşkilatlanmasını arzu edirik”.