Şirvan şəhər Kimya-biologiya təmayüllü lisey (KBTL) Azərbaycan Kibertəhlükəsizlik Təşkilatları Assosiasiyasının (AKTA) dəstəyi ilə “Sabahın Alimləri XIII” Respublika Müsabiqəsinə hazırlaşır.

Şagirdlərin adıçəkilən müsabiqəyə hazırlaşması ilə bağlı Şirvan şəhər KBTL tərəfindən AKTA-ya edilmiş müraciətə əsasən mentorluq fəaliyyəti AKTA eksperti Elşad Xanışlı tərəfindən həyata keçirilir.
 
Qeyd edək ki, AKTA və Şirvan şəhər KBTL arasında artıq 1 ildir ki, əməkdaşlıq edilir. Belə ki,  ötən ilin mart ayında Elm və Təhsil Nazirliyi tərəfindən maliyyələşdirilən “Ümumi təhsil müəssisələrində kibertəhlükəsizlik üzrə maarifləndirmənin aparılması” layihəsi çərçivəsində AKTA tərəfindən Şirvan KBTL də daxil olmaqla respublikanın bir sıra məktəb və liseylərinin STEAM mərkəzlərində kiber-güşələr yaradıb.