image

AKTA Qeyri-Hökumət Təşkilatlarına Dövlət Dəstəyi Agentliyinin qrant müsabiqəsinin qalibi olub

10.03.2025

AKTA Qeyri-Hökumət Təşkilatlarına Dövlət Dəstəyi Agentliyinin qrant müsabiqəsinin qalibi olub

Azərbaycan Kibertəhlükəsizlik Təşkilatları Assosiasiyası (AKTA) tərəfindən təqdim olunmuş “Hibrid təhdidlərə qarşı mübarizə kontekstində transmilli internet korporasiyaları ilə işin təşkilinə dəstək verilməsi layihəsi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2025-ci il üzrə böyük qrant müsabiqəsinin qalibi olub.

 

Layihə hibrid təhdidlərə qarşı mübarizə kontekstində transmilli internet korporasiyaları (“META”, “X”, “Google”, “ICANN”) ilə birgə fəaliyyəti  inkişaf etdirmək və ən yaxşı beynəlxalq təcrübəni milli praktikaya tətbiq etməklə informasiya təhlükəsizliyini gücləndirməyi, həmçinin dezinformasiya, kibertəhdidlər və digər hibrid təhdidlərə qarşı effektiv tədbirlərin görülməsinə yönəlmiş yol xəritəsinin hazırlanmasını hədəfləyir.

 

Layihə çərçivəsində xarici ölkələrin təcrübəsinin öyrənilməsinin və onun milli praktikaya tətbiqində: Avropa İttifaqı (Almaniya), Birləşmiş Krallıq, Türkiyə, Rusiya və digər dövlətlərin hibrid təhdidlərə, xüsusi ilə də kibertəhdidlərə qarşı mübarizə sahəsində qəbul etdiyi strategiyalar, həmçinin dezinformasiya ilə mübarizədə uğurlu praktikasına əsaslanaraq, internet korporasiyaları ilə əməkdaşlıq çərçivələri araşdırılacaqdır.

 

Qeyd edək ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2025-ci il üzrə qrant müsabiqəsi çərçivəsində ümumilikdə 407 layihəyə dəstək verilməsinə dair qərar qəbul olunmuşdur.